Description

Ikerketa gune honek “Bero-eroapena: Zergatik erretzen gara metalezko koilara ukitzean?” du izena. Hau, Lehen Hezkuntzako 6. mailako ikasleekin Natur Zientziak irakasgaian bero-eroapena gaia lantzeko baliagarria da. Egia esan, 11-12 urteko ikasleentzat diseinatu dugu baina 11 urtetik aurrera edonorentzat egokia izan daiteke. Bi saiotan egitea izango litzateke egokiena (90 min).

Gure proposamenean, ikasleek bero-eroapenaren nondik-norakoak ikertuko dituzte, beraien aurre-ideiekin sortutako galdera edota hipotesiak gidaritzat hartuz. Honekin, ikasleak egunerokotasunean ikusten dituzten bero-transmisioen zergatia zein den ikertzea nahi dugu, batez ere eroapenean enfasia jarriz. Hau, bikoteka edo hirunaka egitea gomendatzen dugu.

Bestalde, proposamen honen bitartez, zientziaren inguruko hurrengo ideiak landuko dira:

- Tenperatura zer den eta tenperatura altua edo baxuaren arteko ezberdintasuna ikuspegi submikroskopikoa kontuan izanda.

- Beroa, energia termikoa eta oreka termikoa zer diren eta hauen arteko erlazioa.

- Tenperatura eta beroa ezberdindu.

- Material eroale termikoak eta isolatzaile termikoak.

Prior Knowledge Requirements

- Materia zer den eta teoria zinetiko molekularra ulertu behar dute. Horretaz gain, grafikoak irakurtzen jakin beharko dute.

User Ratings

No votes have been submitted yet.