Jarduera hau ingurumenari buruzko ikasgai inklusibo kultural baterako diseinatu da. Proiektuak lehen hezkuntzako hainbat jarduera biltzen ditu (irakurketa/idazketa, matematika, artea eta ingurumen-kultura) ur garbiaren erabileraren inguruan. Artelanak, datuak eta etxeko esperimentuak eginez, haurrek iraganeko eta gaur eguneko uraren erabilera alderatuko dute. Mundu mailan eta euren komunitatean dagoen uraren arazoa artistikoki erakutsi ahal izango dute.

Ikaskuntza-helburuak:

Jarduera honen ondoren, ikasleak gai izan behar dira:
•    Artelana deskribatzea, artearen teknika eta ezaugarriak aplikatuta.
•    Matematikak (biderketa) aplikatzea zeregin zientifikoetarako.
•    Uraren erabilera kulturala ulertzea.
•    Familia baten ur kontsumoa neurtzea eta kontsumoa murrizteko metodoak proposatzea.
•    Artelan bat sortzea, hainbat material eta teknika artistiko erabiliz.

Jarduera hau proiektu bakar gisa erabil daiteke. Baina irakasle batek ikasleentzako jarduera holistiko erakargarri bat diseinatu nahi badu, "Ur Garbia" adibidez, (lehen hezkuntzarako), hiru ikasgai erabil ditzake abiapuntu gisa. 
Ikasleek, hasteko, ur gezak gure bizitzan duen garrantzia ulertuko dute, baita ur geza garbitzeko dauden metodoak ere (“Ur Garbia: Ura edateko ur bihurtu”). Ondoren, familia baten ur kontsumoaren kultura aldaketa (“Ur Garbia: Iragana Eta Etorkizuna”) aztertuko dute. Azken urratsa izango da uraren aztarnaren ebaluazio sozioekonomikoa egitea ondasunen ekoizpenean eta eguneroko erabileran, gure kasuan, bakeroen ekoizpenean eta erabileran.  (“Ur Garbia: Zenbat Bakero Behar Dituzu?”) 
ILS hau Ikaskuntza inklusiboaren diseinu unibertsalaren printzipioak (IUD) jarraituz diseinatu da. 
Aztertzaileak: Eleftheria Tsourlidaki & Nikoletta Xenofontos

Jarduera hau  InSTEAM proiektuaren esparruan sortu da (Grant Agreement N. 2019-1-ES01-KA201-064261).